*Mafoom-e-Hadees: Rasoolullah Sallallahu Alaihi Wasallam Ne Irshad Farmaya-
Maa Baap Ke Khushi Me Allah Ki Khushi Hai,
Maa Baap Ke Naraazgi Me Allah Ki Naarajgi Hai.
** Mafoom-e-Hadees: Rasoolullah Sallallahu Alaihi Wasallam Ne Irshad Farmaya-
Maa Jannat Ka Ek Raasta Hai.
Aur Baap Jannat Ke Dawajo Me Se Ek Behtareen Darwaja Hai.
(Unki Khidmat Karke Isko Haasil Karlo)
***Mafoom-e-Hadees: Rasoolullah Sallallahu Alaihi Wasallam Ne Irshad Farmaya-
Maa Baap Ki Taraf Jo Muhabbat Bhari Nigah Se Dekhta hai,Har Nigah Par usko Maqbool Hajj Ka Sawab Milega.
(Agar Koi Rozana Chahe 100 Martaba Walidain Ki Taraf Muhabbat Ki Nigah Se Dekhe,Ghar Baitne Rozana 100 Hajj Ka Sawab. SubhanAllah)
****Fuqaha farmate he aise Haal Me Maut Aayi Ke Uske Maa Baap Us Se Raaji Hai,Tho Usko Shaheed Ka Sawab Milega.
(Usne Na Jihad Miya,Na Zakhmi Hua,Na Khoon Bahaya,Na Gardan Kataya,Fir Bi Usko Akhirat Me Shaheed Ka Rutba Diya Jayega.)
Walidain ke (KamAzKam) 40 Aadaab:
1. Salam Se Unka Isteghbal Karna.
2. Unki Baat Ko Tawajjuh Se Sunna.
3. Unki Raay Ko Qubul Karna.
4. Unki Baato Me Mashgul Rehna.
5. Unki Taraf Ehtaram Se Dekhna.
6. Hamesha Unki Taarif Karna.
7. Unke Saath Achchi Khabre Pesh Karna.
8. Unke Saath Buri Khabro Se Parhej Karna.
9.Unke Dosto Aur Pyaro Ke Baare Me Guftagu Karna.
10. Unke Achche Kaamo Ko Yaad Karna.
11. Agar Wo Baat Ya Kahani Doharaye Tho,Is Andaaz Se Sunna Ke Pehle Martaba Sun Rahe Ho.
12. Unke Maaji (Taklif Dene Wale) Ke Mutaalliq Talk Wa Dard Yaade Dohrane Se Parhej Karna.
13. Unki Maujudgi Me Doosro Se Baate (Side Conversations) Karne Se Parhej Karna.
14. Unke Ird Gird Ehtaram Se Baithna.
15. Unki Raaye Aur Khayalat Par Tanqeed Mat Karna.
16. Unki Ghuftagu Ke Dauran Baate Karne Se Larhej Karna.
17. Unki Umr Ka Ehtaram Karna.
18. Unki Mashware Aur Rehnumayi Ko Qubul Karna.
19. Unke Ird Gird Unke Poto Ki Taadeebi Maar Peet Se Parhej Karna.
20. Unke Maujudgi Me Leadership Unke Supurd Karna.
21. Un Par Apni Awaaj Ooncha Karne Se Parhej Karna.
22. Unke Saamne Ya Aage Chalne Se Parhej Karna.
23. Unke Aane Se Pehle Khana Shuru Karne Se Parhej Karna.
24. Unko Ghoorne Se Eejatinab Karna.
25. Us Waqt Bi Unpar Faqr Karna, Jab Ke Wo Usko Mustahiq Nahi Lagte.
26. Unki Jaanib Paavu Phelne Se Aur Unki Taraf Peet Karne Se Bachna.
27. Kisi Burayi Ko Unki Taraf Mansoob Karke,Doosro Ko Unke Burayia Bayan Karne Ka Mauqa Mat Dena.
28. Jitna Mumkin Ho,Unko Duao Me Yaad Karna.
29. Unke Maujudgi Me Boriyat Ya Thakawat Se Parhej Karna.
30. Unki Gunah Aur Galatiyo Par Hasne Se Parhej Karna.
31. Unke Poochne Se Pehle Hi Kaam Ko Khatm Karna.
32. Musalsal Unki Dekhbal Karna.
33. Unse Baat Karte Waqt Ehtiyat Se Alfaaz Ka Inteqab Karna.
34. Unko Unke Pasandida Naamk Se Pukarna.
35. Tamam Cheejo Se Badkar,Unko Apni Tarjihaat Me Shaamil Karna.
36. Jab Wo Aapke Sath Ho Tho,Deegar Sargarmiyo Se Eejatnaab Karna.
37. Jab Wo Aapke Saamne Ho Tho Apne Mobile Me Games Khelne Se Parhej Karna.
38. Yaad Rakhe Unki Duae Apki Zindagi me Khushgawariya Paida Kar Sakti Hai.
(Unki Duae Lete Rehna)
39. Unki Khushi Aur Itminaan Ko Apni Tarjeeh Banana.
40. Walidain Tho Aapke Liye Jannat Hai.
Aur Aapko Ise Ek Martaba Haasil Karna.
