17 June 2017

Taariq Islam Aur Tableegh

Allah Ne Insan Ko Banaya Apni Ibadat Ke Liye.
Akhlak Me, Ibaadat Me, Maashiyat Me, Muashirat Me, Muamilaat Me 24 Gante Ki Zindagi Me Allah Ke Ahkaam Aajaye Aur Nabi Sallallahu Alaihi Wasallam Ke Mubarak Tariqe Aajaye.

Fir Hamara Khana Peena Bi Deen Banegi,
Chalna Firna Bi Deen Banegi
Sona , Uthna Bi Deen Banegi,
Har Jayaz Kaam Jisme Allah Ke Ahkaam Wa Huzoor Ke Tariqe Ajaye Wo Kaam Deen Banegi, Akhirat Me Sawab Ka Jariya Banegi.

Is Se Duniya Bi Banegi,
Aur Hamesha Ke Liye Akhirat Bi Banegi.

Deen Bi Allah Ko Mehaboob Hy,
Deen Par Isteqamat Se Chalne Wala Bi Allah Ko Mehaboob Hy.
Deen Ko Aalam Me Pahunchane Ke Liye Mashaqqate Uthane Wala Bi Allah Ko Mehaboob Hy.

Insan Khud Nahi Bana, Jis Tarha Chahe Zindagi Guzarne Ke Liye.
Insan Banaya Gaya Hy,Banena Wala Isko Banaya Hy.Aur Zindagi Guzarne Ka Tariqa Bi Bataya Hy.

Duniya Ka Sab Se Pehla Insan, Adam A.S Ko Jab Allah Ne Paida Kiya Tho , Insan Kis Tarha Zindagi Guzarni Hy Us Tariqa Ko Bi Allah Ne Paida Kiya.
Usee Tariqe Ka Naam Deen Hy.

Zindagi Jis Tariqe Se Guzarne Se Allah Khush Hote Hy, Us Tariqe Ka Naam Hi Deen Hy.
Zindagi Jis Tariqe Se Guzarne Se Allah Naraaj Hote Hy, Us Tariqe Ka Naam Hi Bedeeni Hy.

Jo Qadam Qadam Par Allah Ke Hukm Aur Waqt Ke Nabi Ka Itteba Karte Hue Chalega,Allah Usko Duniya Me Bi Inaam Denge, Aur Aakhirat Me Bi.
Duniya Me Aafiyat Wali Zindagi Denge.
Akhirat Me Hamesha Ke Liye Jannat Denge.

Jo Qadam Qadam Par Allah Ke Hukm Ko Todte Hue Aur Nabi Ke Sunnato Ka Janaza Utathe Hue Zindagi Basar Karega,Allah Usko Duniya Me Bi Saza Denge, Aur Aakhirat Me Bi.
Duniya Me Beizzati Wali Zindagi Denge.
Akhirat Me Hamesha Ke Liye Dozak Denge.

Insan Do Cheezo Ka Mazmua Hy.
1.Jism 2.Rooh
Insan Ki Jism Ko Allah Ne Mitti Se Banayi Aur Aakhir Wo Mitti Me Hi Milna Hy.
Insan Ki Rooh Ko Allah Ne Jannat Me Banayi Aur Aakhir Wo Wahi Lautna Hy, Isliye Mashq Ki Zaroorat Hy.

Aalame Arwaah Me Tamam Insaan Ke Rooh Allah Se Waada Ki Ay Hamare Rab Ham Duniya Me Jakar Bi Teri Ibadat Karenge, Teri Farmabardari Karenge.

Ek Waqt Shaitan Bi Allah Se Wada Kiya Ay Allah My Tere Tamaam Bando Ko Gumraah Karunga.

Insaano Ki Tadad Din Ba Din Badte Gayi.
Duniya Ko Hi Asal Samaj Kar Manmaani Zindagi Guzarne Lage,
Na Allah Ko Dekhe Hy, Na Jannat , Na Jahannam Ko.
Shaitan Ki Dhoke Me Aagaye.
Alame Arwah Me Kiye Huye Waada Ko Bhool Gaye,

1.Alame Arwah Ki Wo Waada Yaad Dilane Ke Liye
2.Shaitan Wa Nafs Ki Dokhe Se Bachane Ke Liye
3.Manmaani Zindagi Se Rab Chahe Zinagi Ki Taraf Laane Ke Liye
4.Jannat Ki Khush Qabriya, Jahannam Ki Houlnakiya Bando Ko Batane Ke Liye
5.Allah Ka Paigham Bando Tak Pahunchane Ke Liye
6.Sab Se Ahem Bando Ko Allah Ki Pehchan Karane Ke Liye

Allah Pak Ne Nabiyo Ka Silsila Jaari Ki.
Ye Silsila Pehle Insan Hazrat Aadam A.S Se Hi Allah Ne Shuru Ki.

Jo Log Nabiyo Ki Baat Ko Maante The, Taareeq Batati Hy Allah Ne Un Sab Ko Kamiyab Ki.
Jo Log Nabiyo Ki Baat Ko Nahi Maante The Aur Mazak Karte The , Taareeq Batati Hy Allah Ne Un Sab Ko Nakaam Kardiya.

Is Tarha Allah Ne Apni Paigham Bando Tak Pahunchane Ke Liye , Bando Ko Sahi Aur Galat Ki Pehchan Karane Ke Liye Lag Bag 1,24,000 Nabiyo Ko Duniya Me Bheji Hy.

Ye Silsila Hazrat Adam A.S Se Shuru Hua
Aur Hazrat Muhammad Sallallahu Alaihi Wasallam Se Khatam Hua.

Har Zamane Me Shariat Alag Alag Thi.Kisi Zamane Me Koi Kaam Jayaz Tha, Is Zamane Me Najayaz.
Kisi Zamane Me Najayaz Tha, Is Zamane Me Jayaz.

Allah Apne Bando Me Itaa'at Ko Dekhna Chahte Hy.

Nabi Aate,Logo Ko Allah Se Jodne Ki Mehnat Karte.
Nabi Chale Jate, Allah Se Jodne Ki Mehnat Bi Band Hota Tha.
Fir Allah Ne Naye Nabi Ko Bhejte, Fir Se Mehanat Shuru Hoti.

Allah Ne Fir Aakhir Hazrat Muhammad Sallallahu Alaihi Wasallam Ko Khatamunnabi Banakar Duniya Me Bheji.Ab Tak Tho Kacha Pakka Deen Tha, Allah Ne Ab Mukammal Deen Ataa Farmayi.Duniya Wa Akhirat Ki Har Ek Masle Ka Hal Allah Ne Apne Habeeb Salllallahu Alaihi Wasallam Ke Jariye Ummat Ko Batayi.

Jab Tak Allah Ke Nabi Duniya Me Zinda The, Har Hamesha Ummat Ka Fikar Karte The.
Allah Ne Apne Farishta Hazrat Zibrayil A.S Ke Jariye Apne Habeeb Ko Paigham Sunayi Ke Ay Mere Habeeb,Aap Chale Jane Ke Baad Ham Apki Ummat Ko Akele Nahi Chorenge.Deen Ki Ham Khud Hifazat Karenge.

Ab Is Deen Ko Koi Bi Jarra Barabar Bi Bada Nahi Sakta,
Jarra Barabar Bi Ghata Nahi Sakta.

Duniya Ke Tamam Insaan, Jinnat, Mard Aurat, Jawan Boode , Musalman Ghair Musalman Sab Ke Liye Yahi Ek Shariat Hy Jo Qiyamat Tak Ke Liye Sahee Raasta Dikhate Rahegi.

Itni Badee Deen Ko Sirf Koi Ek Ya Koi Ek Jamat Hi Sambhal Nahi Sakti.
Allah Qiyamat Tak Ke Liye Is Deen Ki Hifazat Karenge.
Deen Ki Muhafiz Khud Allah Hy.

Deen Asal Hy.
Zamane Zamane Me Iske Shakale Badalte The.
Iske Taqaze Badalte The,

Allah Ne Jab Koi Masla Piada Ki,
Tho Uska Hal Bi Paida Farmate Hy.
Allah Ne Jab Koi Beemari Paida Karte,
Tho Uska Ilaaj Bi Paida Karte Hy.
Kyu Ke Deen Ki Hifazat Karne Wale Khud Allah Hy.

1.Huzoor Sallallahu Alaihi Wasallam Ke Zamane Me Deen Ko Aalam Me Failane Ke Liye Kuffare Makka Aad The, Allah Ne Us Waqt Jihaad Wa Ghajwe Ki Shakal Me Deen Ki Hifazat Ki.

2.Huzoor Sallallahu Alaihi Wasallam Duniya Se Parda Farmane Ke Baad Itni Badee Deen Ko Sirf Sahaba Ki Jamat Hi Sambhal Thi Thi.Us Waqt Ka Bohat Badee Taqaza Itni Badee Deen Ko Aage Nasalo Tak Pahunchana Hy.Sar Ke Uper Bohat Badi Zimmedari Hy.Agar Wo Apni Zimmedari Me Jara Sa Bi Kotahi Kare Tho Deen Ham Tak Nai Aata Tha.
Deen Ki Hifazat Ke Liye Wo Apni Watano Ko Chor Kar Mulk Mulko Me Jate The.

Aur Sahaba Ke Zamane Me Khaas Karke Elaaye Kalimatullah, Jihad Wa Khilafat Ke Shakal Me Allah Ne Deen Ki Hifazat Ki.

3.Fir Uske Baad Din Ba Din Musalmano Ki Taadad Badti Gayi,
Deen Ke Taqaje Badalte Gaye.
Naye Naye Masle Paida Huye.
Uska Hal Bi Allah Ne Paida Kiya.

Ek Masla Paida Hua, Logo Ne Galat Salat Hadiso Ko Failana Shuru Ki,
Fir Allah Ne Uska Hal Bi Paida Kiya.
Muhaddiseen Ki Ek Mustaqil Jamat Ko Khada Kiya Jinki Khaas Zimmedari Thi Poori Tawajju Se Huzoor Sallallahu Alaihi Wasallam Ki Alfaz Ki Hifazat Karna,Hadiso Ko Jama Karna.Hadiso Ko Tolte The,Naap The The.Narration Of Chain Ko Dekhte The,Fir Sahee Ahadees Ko Kitabo Me Likhte The.Us Waqt Ka Wohi Taqaza Tha,Wohi Munasib Aur Sakht Zaroorat Thi.

4.Aur Ek Masla Paida Hua Wo Fiqah Ki Thi.Aise Masail Jiska Solution Huzoor Wa Sahaba Ke Zamane Me Nahi Milte The.Allah Ne Fuqaha Ki Ek Mustaqil Jamat Ko Khada Kiya Jinka Khaas Zimmedaari Thi Ke Wo Poori Tawajju Se Quran Ki Ek Ek Ayat Se Aur Ek Ek Sahee Hadees Se Kayee Masail Nikale, Taake Aane Wale Naslo Ke Liye Deen Par Chalne Me Koi Rukawat Paida Na Ho.

5.Aur Ek Masla Paida Hua Qiraat Ki,
Allah Ne Fir Qurra Ki Ek Mustaqil Jamat Ko Khada Kiya, Jinki Khas Zimmedari Thi Ki Wo Poor Tawajju Ke Sath Huzoor Sallallahu Alaihi Wasallam Ki Awaaj Ki Hifazat Karna,
Huzoor Sallallahu Alaihi Wasallam Quran Pak Ko Jis Tarha Padte The, Usi Shakal Ko Aage Nasalo Tak Pahunchana.

6.Aage Ek Aur Masla Aayi,
Deen Ki Jaahiri Shakale Failte Jarahe Hy, Magar Huzoor Sallallahu Alaihi Wasallam Ki Wo Baatini Akhlaak, Wo Baatini Sifaat Ummat Se Mit The Jaarahe.
Mashaikh E Soofiya Ki Ek Jamat Ko Allah Ne Khada Kiya , Jinki Khaas Zimmedari Thi Poori Tawajju Ke Sath Wo Huzoor Sallallahu Alaihi Wasallam Ke Baatini Kaifiyyat Ko Ummat Me Zinda Kare, Huzoor Sallallahu Alaihi Wasallam Ki Qalb Ki Tarha Batini Beemariyo Se Dil Ko Paak Or Saaf Karna.

7.Quran Pak Tho Mehafooz Hy, Magar Uske Tarjume Badalte Jarahe Hy,
Fir Allah Ne Mufassireen Ko Khada Kiya Unhone Aayaat Ki Lugat Ko,Nahoo Ko,Sarf Ko,Ishtiqaq Ko,Ilme Maani, Ilme Bayan, Ilme Badeeh, Ilme Qirat, Ilme Aqaid, Usoole Fiqah, Asbaab E Nuzool, Nasiq Wa Mansooq, Ilme Fiqah,Ilme Wahabi Wagair Uloom Ke Jariye Qurane Pak Ki Ek Ek Aayat Ki Sahee Tarjuma Wa Tafseer Karte The, Taake Qayamat Tak Ke Liye Koi Bi Quran Sharif Ki Ek Aayat Se Bi Galat Matlab Na Nikale,
Wo Us Waqt Ka Deeni Taqaza Tha.

8.Fir Mu'arriqeen Jinhone Islam Ki Taariq Ki Hifzat Ki,
Aage Nasalo Ko Pata Chale Kitne Qurbaniyo Se Deen Ham Tak Aaya Hy.Deen Ki Qadr Karo,Deen Par Amal Karo,Deen Ko Aage Pahunchao.Yahi Inka Tamanna Hy.

9.Musannifeen Jinhone Deeni Kitaabe Likh Kar Qiyamat Tak Ke Liye Ummat Ko Tohfe Me Dediye.
Ham Chale Jaye, Fir Bi Hamari Kitabe Qiyamat Tak Ke Liye Inshaallah Baaki Rahenge, Jinse Aage Nasle Fayida Utathe Rahenge.

Deen Ke Har Har Shobe Ko Poori Tawajju Se Sambhalne Waale Paida Huye,Jinke Zimme Deen Ke Alag Alag Zimmedariya Thi.
Agar Ye Surat Na Hoti Tho Har Shobe Me Kamal Wa Taraqqi Bohat Dushwaar Hy.

Isi Tarha Allah Ka Mehaboob Deen Ki Mehanat Huzoor Sallallahu Alaihi Wasallam Wa Sahaba Se Lekar Ab Tak Chalte Aaya Hy.Kisi Din Bi Band Nai Hua.Agar Band Hota Tho Naye Nabi Ki Zarurat Padti, Magar Hamare Nabi Khatamunnabi Hy Jinke Baad Koi Nabi Nahi.
Ye Kaam Qiyamat Tak Ke Liye Allah Ne Ummat Pe Sonp Diya.
Ham Tho Sirf Zariya Hy Bus, Deen Ki Hifazat Karne Wale Allah Hy.

Deen Ki Mehanat Hy Asal
Zamane Zamane Me Uske Hote Hy Alag Alag Shakal.

Haan, Kisi Zamane Me Khoob Faila, Kisi Zamane Me Past Hua,Kisi Zamane Taqatwar Thi, Kisi Zamane Me Kamzor Thi.Magar Kabi Band Nahi Hua,Band Nahi Hoga.
 Deen Ki Mehanat Huzoor Se Lekar Qiyamat Tak Ek Second Ke Liye Bi Band Nahi Hota.
Ye Is Ummat Ki Shaan Nahi Hy.

Is Tareeqe Se Deen Ki Mehanat Hoti Rahi
Ek Zamana Tha Maa Apne Bacho Ko Bagair Wuju Ke Doodh Tak Nahi Pilati Thi.
Ghar Ghar Me Aalim,Hafiz, Hafiza Wa Qurra The,
Deen Ke Daayi The, Bade Bade Aabideen The, Ghar Ghar Me Sufi Saalikeen The.
Ab Ghar Ghar Jakar Bhai Namaz Ko Awo Bolke Dawat Dene Ki Kya Zarorat Thi.Munafiqeen Bi Aake Pehli Saf Me Bajamat Namaz Padte The.

Fir Hindustan Aur Bohat Saare Mulko Me Angreji Daakhil Hue.Unki Andhak Kosisho Ki Wajah Se Musalmano Me Deen Ka Talab Wa Shouq Bohat Teji Se Mit Tha Chale Gaya.
*Musalmano Ki Sar Pe Topi Thi, Ab Angreji Aaye Sar Pe Monkey Caps Aagaye
*Khushbu Attar Chale Gayi, Alchohal Ka Mila Hua Perfumes Spray Agaye
*Sunnat Libas, Lambi Laalchi Thi,Ab T- Shirt Agaye
*Takno Ke Uper Tak Ke Pajama The, Ab Lambi Lambi Fants Wagira Agaye
*Naalain The, Ab Shoes Agaye
*Ibadat Ka Shouq Tha, Maze Maze Khane Peene Ki Chakkar Me Lagakar Ibadat Me Susti Paida Ki
*Apne Bacho Ko Hafiz, Aalim Banena Me Apni Izzat Samajte The, Ab Tho Zillat Samajre,Mullah Banne Se Kya Milega Tum Bi Unki Tarha Engineer Banke Achche Paise Kamao

Unhone Masjid,Madaris,Khanqaho Ko Shaheed Karne Ko Apna Target Nai Banayi,
Balke Musalmano Ke Dilo Me Jo Deen Ko Seekhne Ka Talab Hy Usko Mitane Ko Apna Target Banayi.
Agar Dil Me Talab Hi Na Raha Tho Ye Itne Masjide Wa Madaris Rehkar Bi Kya Fayida.Sab Veeran Hojayenge.

Ab Tho Halat Ek Dam Badal Gaye,
Masajid Bohat Hy, Imam Ko Muqtadi Nai Mil Rahe Hy.
Khanqah Bohat Hy, Magar Murshideen Ko Murideen Nai Mil Rahe Hy.
Madaris Hy, Magar Mohatamim Ko Tulaba Nai Mil Rahe Hy.
Juma Ke Khutbe Horahe Hy, Magar Saamayin Nai Mil Rahe Hy.

Sab Idare Khali Hochuke,
Kyu Ke Dil Me Talab Wa Shouq Ko Angrejo Ne Mita Diya.

Maulana Ilyas R.A Ne Ulama Mashikh Se Mashwara Ki Ab Madrese Ke Darwaje Par Bait Kar Tulaba Ki Intezar Karne Se Tulaba Nai Ayenge,Khanqaho Me Rehkar Zakireen Ki Intezar Karne Se Zakireen Nai Aayenge
Ab Tak Tho Aisa Tha Ham Bagair Bulaye Saathi Ilme Deen Seekhne Ke Liye Hamare Paas Aaya Karte The,
Ab Tho Haalat Badal Gaye,Talab Dilo Me Se Mit Chuka Hy.Is Talab Ko Fir Se Ummat Me Zinda Karne Ke Liye Ghar Ghar Jaana Hy, Darwaje Qat Qatana Hy, Galli Galli Jaana Hy, Har Bazar Jaana Hy, Har Basti Jaana Hy. Mitchuki Us Talab Ko Fir Se Zinda Karna Hy.

Madaris Hy,Khanqahe Hy, Masajid Hy Bohat,Deeni Kitabe Hy Bohat.Sab Kuch Hy, Magar Saathiya Nahi.Waqt Ka Taqaza Hy Ki Ab Logo Ke Dilo Me Fir Se Wo Talab Wa Shouq Paida Kro.
Allah Ne Maulana Ilyas R.A Ko Khada Kiya Ye Aakhiri Zamane Me Deen Ki Hifazat Ke Liye.

Fazail E Aamal, Musalmano Ka Maujuda Pasti Ka Wahid Ilaj Me Maulana Ihteshamul Hasan Kandhalvi R.A Likhte Hy
 ""Panchvi Wajah Ye Hy Ki Ham Samaj Rahe Hynki Jagah Jagah
1.Madarise Deeniyya Ka Qayim Hona,
2.Ulama Ka Waaj Wa Nasihat Karna,
3.Kanqaho Ka Aabad Hona,
4.Mazhabi Kitabo Ka Tasneef Hona,
5.Risaalo Ka Jaari Hona,
Ye Sab Amar Bil Maaruf Wa Nahi Anil Munkar Ke Shobe Hy.
Aur Unke Zariye Is Fareeze Ki Ada'igi Horahi Hy.Isme Shak Nahi Ke In Sab Idaaro Ka Qiyaam Aur Baqa Bahot Zaroori Hy Aur Unki Jaanib Yetina Ahem Umoor Se Hy.Isliye Ke Deen Ki Jo Kuch Thodi Bohat Jhalak Dikhayi Derahi Hy Wo Unhi Idaaro Ki Mubarak Aasaar Hy.
Lekin Fir Bi Agar Shaouq Se Dekha Jaye Tho Hamari Maujuda Zaroorat Ke Liye Ye Idaare Kaafi Nahi Aur Unpar Ikhtifa Hamari Khuli Galati Hy.Isliye Ke In Idaaro Se Ham Us Waqt Hi Muntafe Hoskte Hy Jab Ke Ham Me Deen Ka Shouq Aur Talab Ho Aur Mazhab Ki Waq'at Aur Azmat Ho.
Ab Se Pachchas Saal Pehle Hamme Shouq Wa Talab Maujud Tha.Aur Eemani Jhalakh Dikhayi Deti Thi.Isliye In Deeni Idaaro Ka Qiyam Hamare Liye Kaafi Tha.
Lekin Aaj Ghair Aqwaam Ki Andhaq Kosisho Ne Hamare Islami Jazbaat Bilkul Fana Kardiye. Aur Talab Wa Raghbat Ke Bajaayaaj Ham Mazhab Se Mutanaffir Aur Bejar Nazar Aate Hy.
Aisi Halat Me Hjamare Liye Zaruri Hy Ki Ham Mustaqil Koi Tehreer Aisi Shuru Kare Jis Se Awaam Me Soye Huye Jazbaat Bedaar Ho.Fir Ham In Idaaro Se Unke Shaan Ke Mutabiq Muntafe Hosakte Hy.
Warna Agar Isi Tarha Deen Se Be-raghbati Aur Be-yetinayi Badti Gayi Tho Un Idaaro Se Intifa Tho Dar Kinaar Unka Baqa Bi Dushwaar Nazar Aata Hy.""

Is Zamane Me Allah Pak Ne Umoomi Taur Par Maulana Ilyas Sb R,A Ke Bataye Huye Shakal Me Awaam Se Deen Ki Khidmat Leraha Hy.

*Jab Aap Hindustan Se Madina Chale Gaye.
Ek Din Khwab Me Huzoor Sallallahu Alaihi Wasallam Ki Zyarat Hui.
Aaqa Farma Rahe Hy "Ilyas , Kya Tum Hindustan Ko Fir Wapas Nai Jane Ki Niyyat Se Madina Aye Ho?
Maulana Kehne Lage-ay Mere Aaqa My Waha Ki Be-deeni Ko Dekh Nahi Sakhta, My Yahi Tumhare Qadmo Me Jaan Dedunga.
Aaqa Sallallahu Alaihi Wasallam Kehne Lage"Aap Hindustan Jaaya Karo, Tum Se Kaam Liya Jayega".

Maulana Sonch Me Pad Gaye My Tho Muqarrir Bi Nahi,My Deen Ka Kya Kaam Karunga!

*Wo Khwab Ki Taabeer Ke Liye Shaykul Islam Hazrat Hussain Ahmad Madani R.A Ke Bade Bhai Hazrat Maulana Syed Ahmad Sb R.A Ke Paas Aaye.
Saara Khissa Sunaayi.
Hazrat Kehne Lage " Ilyas, Isme Fikr Ki Kya Baat Hy, Ye Nahi Kaha Gaya Ki Tum Kaam Karoge, Balke Ye Kaha Gaya Ki Tumse Kaam Liya Jayega.Kaam Lene Wala Tum Se Kaam Lega."
Fir Hazrat Ko Itminan Hui

*Jab Ke Allah Pak Ne Maulana Par Tableeg Ke Kuch Usool, Tareeqa Khola Tho Iske Baare Me Masla Puchne Ke Liye Mufti E Azam Hind Mufti Kifayatullah Dehalvi R.A Ke Paas Gaye.
Hazrat Ye Mera Tariqa Agar Shariat Se Sabit Hy Tho Aap Hamari Saath Diya Karo.Agar Ye Tariqa Shariat Ke Khilaf Hy Tho Aap Mujhe Khatal Kardo.Allah Apko Akhirat Me Sawab Denge,Kyu Ke Aapne Ek Baatil Shaks Ki Shar Se Ummat Ki Hifazat Kiya.
Ye Keh Kar Kamre Me Gaye,Aur Lamba Sa Churi Lekar Mufti Sb Ke Haath Me Rakhdiye.
Mufti Kifayatullah Shahjahanpuri R.A Ne Jawab Di - Maulana Apke Bataye Hue Usool, Aadaab, Tarteeb Wagaira Dekhi,Hame Ek Balisht Ka Jagah Bi Nai Mila Isme Ungli Rakhne Ke Liye.Ye Sab Sunnat Aur Seerat Se Milta Hy.
Maulana Ne Kaha Kii Hazrat Fir Aap Hamare Sath Diya Karo.

* Ek Waqt Tha Khwab Ko Sunane Aur Ijazat Wa Mashwara Ke Liye Hazrat Thanvi R.A Ke Khidmat Me Thanabhawan Tashreef Legaye.Mashaikh Ke Sath 3 Din Laga Tar Etekaf Ki.
3 Din Ke Baad Mashaikhe Thana Bhavan Ne Kaha "Ilyas Allah Ki Taraf Se Green Signal (Ijazat) Mil Gayi.Ham Bi Apko Ijazat Derahe Hy Magar Ek Baat Ki Condition Par Ki Kaam Ko Har Ek Ko Karna Hi Hy.Magar Kaam Ulema Ki Rehbari Me Karni Chahiye.
Is Baat Ki Condition Par Ham Apko Ijazat Derahe Hy.

*Ek Waqt Tha, Pakistan Khanewal Ke Mehboobul Ulama Hazrat Khwaja
Abdul Malik Siddiqi Naqshbandi R.A Jab Darul Uloom Deoband Ke Mehman The,
Maulana Ne Hazrat Ki Zyarat Ke Liye Aaye.Aur Khwab Bi Sunayi.
Hazrat Ne Kaha-,Allah Aapse Kaam Lene Wale Hy.Us Kaam Se Ummat Fayida Uthayegi.
Uske Baad Hazrat Ne Apni Amama Sharif Maulana Ilyas Sb Ki Sar Pe Rakhdiya ,Aur Kaha Ab Jao, Kaam Shuru Karo.


Deen Allah Ka Hy.Deen Ki Hifazat Ke Liye Allah Zamane Zamane Me Poude Lagate Rehte Hy.

1.Jab Allah Ne Ilme Fiqah Ko Roshan Karna Chaha Tho Imam Abu Hanifa R.A Ko Khada Kiya
2.Jab Ilme Kalam Ko Mazboot Karna Chaha Tho Imam Ghazali R.A Ko Khada Kiya.
3.Jab Ilme Hadees Ki Shama Ko Roshan Karna Chaha Tho Hazrat Shah Waliullah Muhaddis Dehalvi R.A Ko Khada Kiya.
4.Islam Ki Hifazat Ke Liye Hind Me Mujahideene Azadi Ko Khada Karna Chaha Tho Maulana Qasim Nanotwi R.A Ko Khada Kiya.
5.Ilme Hadis Ko Taqwiyat Dena Chaha Tho Allama Anwar Shah Kashmeri R.A Ko Khada Kiya.
6.Fiqah Ko Taqwiyat Dena Chaha Tho Mufti Rasheed Ahmad Gangohi R.A Ko Khada Kiya.
7.Reshmi Rumal Ke Jariye Shaykhul Hind R.A Ko Khada Kiya.
8.Logo Me Jazba E Jihad Ko Paida Karna Chaha Tho Maulana Hussain Ahmad Madani R.A Ko Khada Kiya.
9.Khanqah Ki Nizaam Ko Mazboot Karna Chaha Tho Maulana Abdur Rahim Raipuri R.A Ko Khada Kiya.
10.Tasneef Ke Jariye Ummat Ko Fayida Dena Chaha Tho Maulana Ashraf Ali Thanvi R.A Ko Khada Kiya.(Jisne 1365 Kitabe Ummat Ko Tohfe Me Dedi.)
11.Jab Logo Me Deen Ka Talab Wa Shaoq Mit Chuki Tho Usko Fir Zinda Karne Ke Liye Maulana Ilyas R.A Ko Khada Kiya.

Ulama E Deoband Ka Zamana.Inse Allah Ne Tarha Tarha Ki Shakalo Me Deen Ki Mehanat Li Aur Unke Zariye Deen Ki Hifazat Farmayi.Aaj Tak Bi Un Buzurgo Ki Fuyoozaat Ummat Par Baras Rahi Hy.

1.Darul Uloom Deoband
2.Jamiat E Ulema I Hind (Hind)
3.Jamiat E Ulema I Islam (Pak)
4.All India Muslim Personal Law Board
5.Majlise Khatame Nabuwwat Wagaira Ko Deen E Islam Ki Hifazat Ke Liye Allah Ne Khada Kiya.

Isi Tarha Zarurat Padi Tho Aur Bi Bohat Saare Deeni Idaare Wa Deeni Tehreeko Ko Allah Ne Khada Kiya.
1.Radde Isayiyat
2.Radde Yahoodiat
3.Radde Shiat
4.Tahaffuze Shariat
5.Tahaffuze Ahnaaf
6.Tahaffuze Sunnat
7.Tahaffuze Ahle Sunnat Wal Jamat
8.Radde Qaadiyaniat
9.Radde Bid'at
10.Radde Ahmadiat Wagaira Ke Naam Se Allah Ne Alag Alag Shakalo Me Apne Mehboob Bando Ke Jariye Deen Ki Hifazat Kar Raha Hy.

Ye Allah Ki Qudrat Hy Ki Ke Allah Pak Har Ek Ko Aalim Nai Banata, Isi Tarha Har Ek Ko Jaahil Bi Nai Banaa.
Kisi Ko Madrese Me Padne Padane Me Lagaya,
Kisi Ko Islahe Baatin Wala Mehanat Me Lagaya,
Kisi Ko Chille Chaar Maah Ki Tarteeb Me Lagaya,
Kisi Ko Deeni Kitabe Likhne Me Lagaya,
Kisi Ko Darse Hadees Wa Darse Quran Me Lagaya. ,
Kisi Ko Fatawa Wa Masail Me Lagaya,
Kisi Ko Baatil Firqo Ko Mitane Me Lagaya,
Kisi Ko Munazare Me Lagaya,
Kisi Ko Kuffar Ke Khilaf Jang Karne Me Lagaya.

Ye Saare Mehanato Ko Kare Tho Hi Poora Deen , Poore Tareeqe Se , Poora Aalam Me Zinda Hoga.

Koi Sabji Kaat Raha Hy,
Koi Aata Firaata Hy,
Koi Goliya Bana Raha Hy,
Koi Lakadiya Le Aata Hy,
Koi Aag Sulghata Hy,
Koi Phoonkta Hy,
Koi Pakata Hy,
Fir Aakhir Me Roti Banti Hy.

Aag Bi Chahiye,
Paani Bi Chahiye,
Namak Bi Chahiye,
Mirchi Masala Bi Chahiye,
Gosht Bi Chahiye.
Sirf Aag Par Gosht Rakhne Se Saalan Nai Banti.

Ye Deen Ki Mehanat Huzoor Se Lekar Ab Tak ,Ab Se Lekar Qiyamat Tak Kisi Na Kisi Shakal Me, Kisi Na Kisi Jagah Chalte Hi Rahega,Ek Din Ke Liye Bi, Ek Second Ke Liye Bi Band Nai Hota.
Ye Ummate Muhammadiya Ki Shaan Hy.

Har Ek Ko Chaahiye Apni Apni Salahiyato Ko Deen Ki Tahaffuz Ke Liye, Deen Ki Mehanat Me Lagaye, Meri Zaat Se Aalam Ko Kis Tarha Fayida Hoga?My Kis Tarha Deen Ka Madadgaar Banu?

Sirf Is Sonch Par Hi Allah Usko 70 Saal Ki Ibadat Ka Sawab Denge,
Fir Deen Ki Mehanat Ke Liye Khadam Aage Badata Hy, Tho Kitna Sawab Dega , Banda Iska Hisab Bi Laga Nahi Sakta.

Allah Pak Ne Is Waqt Umoomi Taur Pe Awaamunnaas Me Daawatotableegh Ki Naam Se Ek Azeemushshaan Mehanat Ko Chala Raha Hy.
Is Tarteeb Ko Allah Ne Qubul Karliya , Jis Tarteeb Ko Hamare Bade Maulana Ilyas R.A, Maulana Yusuf R.A, Maulana Inaamul Hasan R.A Ne Quran Wa Hadees Ki Roshni Me Banayi Hy.
Allah Ne Is Tarteeb Me Bohat Barkat Daali Hy.

Hame Chahiye Ki Kisi Shaykh Se Islahi Taalluqat Rakhte Huye, Ulema Ki Rehabari Me Is Tableegh Ki Mehanat Me Lage.Aur Kisi Bi Chota Sa Chota Deeni Shobe Ko Bi Haqeer Nigah Se Dekhna Nai Chahiye, Balke Inko Apne Mohsin Samajhkar Inko Bi Apni Tarteeb Pe Saath Dena Chahiye.

Fir Ummat Me Ittehad Rahegi.

Maulana Ilyaas R.A Farmate The
Hamara Ye Kaam Ka Maksad Hi Ye Hy Ki Logo Ki Dilo Me Deen Ka Talab, Deen Ka Shouq Paida Karke Asbaab E Hidaayat (Masajid, Marakis, Makatib, Madaris Wa Khanqaho ) Se Jodna Hy.
In Tamam Deeni Shobo Ko Paani Pahunchana Hi Hamara Ye Kaam Ka Maksad Hy.